"Barselona" futbolchisi Jerar Martin Madridning "Atletiko" jamoasi darvozasiga belgilanmagan penalti bilan bog‘liq vaziyatga izoh berdi.
"Matraschilar" himoyachisi Mark Pubil qo‘li bilan o‘ynadi, vaholanki "ko‘k-anorranglilar" o‘yinchilarining fikricha, darvozabon Xuan Musso to‘pni allaqachon o‘yinga kiritib bo‘lgan edi.
"Darvozabon to‘pni o‘yinga kiritmoqda, himoyachi esa uni qo‘li bilan surib qo‘ymoqda... Ehtimol, hakam buni jonli tarzda payqamagandir, chunki vaziyat kutilmagan va aql bovar qilmas darajada sodir bo‘ldi, lekin VARdagilar hammasini ko‘rishlari va hakamga xabar berishlari kerak edi", – dedi Martin o‘yindan keyingi intervyusida.
