«Милан», «Фиорентина» ва «Атлетико Мадрид» Аргентина чемпионатининг энг яхши тўпурари, «Ривер Плейт» ҳужумчиси Жулиан Алварес учун курашади, деб ёзди Николо Скира.
Форвард жорий мавсум Аргентина чемпионатида 15 та гол урди. Футболчининг шартномаси 2022 йилнинг декабрида якунига етади. Шартномада футболчи учун 25 миллион евро миқдорида товон пули тўлашга рухсат берувчи банд бор. Маълум қилинишича, «Ривер Плейт» Алваресни 20 миллион еврога сотиш бўйича музокараларни бошлаб юборган.
Трансфермаркет портали футболчини 20 миллион еврога баҳоламоқда.
Умумий ҳисобда футболчи жорий мавсумда майдонда 39 ўйин ўтказиб, 15та гол ва 13та голга ассистентлик қилган. Шунингдек, футболчи терма жамоа сафида дебют қилган.
Биринчи ўйин 2021 йил 4 июнь куни ЖЧ-2022 саралаш босқичи доирасида Чили терма жамоасига қарши ўтказилган эди. Алварес 63-дақиқада майдонга тушди, аммо самарали ҳаракатлари билан гол ура олмади.