Испаниялик афсонавий собиқ ҳакам Матеу Лаос Чемпионлар лигаси 1/4 финали доирасидаги «Барселона» ва «Атлетико» ўртасидаги баҳсда белгиланмаган пенальти ҳақида ўз фикрини билдирди.

Иккинчи бўлим бошида «матрасчилар» дарвозабони Хуан Муссо тўпни ўйинга кирита туриб, ёнида турган Марк Пубилга узатма берган, у эса ўз навбатида тўпни қўли билан суриб қўйган эди. Каталонияликлар пенальти талаб қилишди, бироқ ҳакам қоидабузарлик кўрмади, ВАР эса вазиятга аралашмади.

«Агар қоида бўйича ёндашилса, бу — пенальти. Бироқ бундай вазиятда қўл билан ўйнаш шунчаки тасодифдир. Нима учун пенальти белгиланмаганини тушуниб турибман», — дея Лаоснинг таҳлилини келтирмоқда Barca Universal.

«Барселона» ўз майдонида 0:2 ҳисобида мағлубиятга учради.