«Атлетико» бош мураббийи Диего Симеоне «Камп Ноу»да бўлиб ўтган «Барселона»га қарши учрашув (2025/2026 йилги УЕФА Чемпионлар лигаси 1/4 финал босқичи илк ўйини) натижаси (2:0) ҳақида фикр билдирди.

— Биз улар юқори ҳимоя чизиғида ўйнашини тушунардик ва шу орқали хавфли вазиятлар юзага келиши мумкин эди. Биз бунинг устида яхши ишладик ва шундай ҳолатларда уларга деярли ҳар бир ўйинда босим ўтказдик, голли имкониятлар ва ҳужумлар яратдик. Қийин бўлди, чунки улар кучли прессинг қилди ва бизга вақт қолдирмади. Улар сўнгги 23 ўйиндан 22 тасида ғалаба қозониб, ҳар бирида гол урган. Бу ерга келиб ўйнаш ҳар доим осон эмас. Биз жасорат кўрсатдик ва ўз имкониятларимиздан фойдаландик. Хулиан (Альварес) ва Жулиано бир-бирини яхши тушунди. Сёрлот ҳар қандай вазиятга тайёр эди, у мукаммал якуний зарбани амалга оширди. Бу яхши натижа, аммо сешанба куни рақиб албатта бизни жиддий курашга мажбур қилади, — деди Симеоне.

Жавоб ўйини 14 апрель куни бўлиб ўтади. Учрашув Мадриддаги «Метрополитано» стадионида ташкил этилади.