"MYU" hujumchisi Edinson Kavani o‘z jarohati haqida fikr bildirdi. U bu haqda "El Observator" nashriga shunday deydi:
"Mavsum boshida ham mana shu kabi muammo sabab, maydonga qayta olmagan edim. O‘shanda ham men tovon bog‘lamida noqulaylik his qilganman. Bu narsa meni bir necha haftani o‘tkazib yuborishimga majbur qilgan. Men terma jamoamga yordam berish uchun ketishim kerak edi. Sal oldin bu muammo kamaygandek tuyulgandi. Ammo "Tottenexem"ga qarshi bahsdan so‘ng, yana zo‘rayib ketdi. Bu juda ham murakkab jarayon. Shu sabab men shu yerda qolib, battarroq bo‘lmasligi uchun davolanishga qaror qildim. Umid qilamanki, tez orada klub va terma jamoa uchun yana yordam bera oladigan darajaga qayta olaman".
Avvalroq yana bir "MYU" futbolchisi Pol Pogba ham jarohat olgani haqida ma’lum qilingan edi.
