Saudiya Arabistonining noma’lum kompaniyasi "Barselona" titul homiysiga aylanishi mumkin. Bu haqda "Mundo Deportivo" nashri xabar berdi.
Ma’lumotlarga ko‘ra, shartnomada kompaniya jamoaga yiliga 100 million yevro to‘lashi ko‘zda tutilgan. Qayd etilishicha, "ko‘k-anor ranglilar" rahbariyatining Saudiya kompaniyasi bilan ehtimoliy hamkorlik haqidagi fikri ikkiga bo‘lingan.
Eslatib o‘tamiz, Kataloniya klubining hozirgi titul homiysi "Rakuten" hisoblanadi. Ular bilan shartnoma 2022 yilning yozida yakuniga yetadi. Shartnomadan jamoa yiliga 30 million yevro olishi belgilangan.
