Ayollar Osiyo Chempionlar ligasining so‘nggi turidan o‘rin olgan “Bunyodkor-W” – “Gokulam Kerala” uchrashuvidan (1:3) so‘ng jamoamiz bosh murabbiyi Elmira G‘ulomova o‘z fikrlari bilan o‘rtoqlashdi.

-  Avvalo musobaqa uchun OFKga minnatdorchilik bildiraman! Bu kabi musobaqada qit’ada ayollar futbolini yanada rivojlanishi uchun katta yordam beradi. Umid qilamanki, turnir erkaklar o‘rtasidagi Chempionlar ligasiga o‘xshab har yili o‘tkaziladi. Turnirdagi barcha jamoalarning saviyasi yuqori ekanligini ko‘rinib turdi. Jamoalarning darajasi bir-biriga yaqinligi sezildi. Afsuski, biz o‘zimiz xohlagan va mo‘ljallangan natijani qayd eta olmadik. Lekin to‘xtab qolmasligimiz kerak. Buni futbolchilarga ham uqtiraman.  

Bugun Toshkentga qaytamiz, 15 noyabr kuni mashg‘ulotlarni boshlaymiz. Boisi, 18 noyabr kuni chempionat doirasida qoldirilgan o‘yinimiz bor. Keyin O‘zbekiston Kubogining final bahsida maydonga tushamiz.