"Betis" qishda "Bavariya" yarim himoyachisi Mark Rokani ijaraga olmoqchi, deya xabar beradi "Diario de Sevilla" nashri.
Manba bergan xabarga ko‘ra, "Betis" bosh murabbiyi Manuel Pellegrini futbolchini jamoaga taklif qilishga qiziqmoqda. Ispaniyalik yarim himoyachining transferi bilan chililik mutaxassis klub yarim himoya chizig‘ini kuchaytirishni istamoqda.
Roka Myunxen klubi safida 2020 yildan buyon o‘ynab kelmoqda. Ispaniyalik futbolchining "Bavariya" bilan shartnomasi 2025 yilning iyunigacha amal qiladi. "Transfermarkt" portaliga ko‘ra, futbolchining narxi 8 mln yevroni tashkil qiladi.
U jamoa safida jami 11ta o‘yin o‘tkazib, samarali harakatlar amalga oshirmagan. Shuningdek, Roka joriy mavsumda birorta ham o‘yinda maydonga tushmadi.
