Milanning “Inter” klubi rahbariyati jamoa yarimhimoyachisi Marselo Brozovichga yangi shartnoma taklif qilishdi, deb xabar beradi “Football-Italia” nashri.
“Neradzurrilar” xorvatiyalik futbolchi bilan 2026 yilning yoziga qadar hisoblangan uzoq muddatli shartnoma tuzishga tayyor. Amaldagi A seriya chempioni futbolchiga mavsumiga 5,5 million yevro maosh va’da qilgan. Ammo, futbolchining o‘zi ko‘proq maosh olishni xohlaydi.
Eslatb o‘tamiz, amaldagi shartnoma 2022 yilning yozida yakuniga etadi.
Agar tomonlar kelisha olmasa, Marselo Premer ligaga o‘tishi mumkin. Xorvatiyalik transferga “Nyukasl” jiddiy qiziqish bildirmoqda.
