"Manchester Siti" qishki transferlar oynasida Janubiy Amerikadan futbolchi sotib oladi. Bu haqida "Fichajes" nashri xabar qilmoqda.
Unga ko‘ra, "Palmeyras" yarim himoyachisi Patrik de Paula qishda Angliyaga yo‘l oladi. Shaharliklar 22 yoshli futbolchini anchadan buyon kuzatib kelmoqda.
Qishki transferlar oynasida esa, u uchun rasmiy taklif yuborishni reja qilgan. Ta’kidlanishicha, Paula uchun 15 million funt atrofida narx belgilanadi.
Futbolchining joriy transfer bahosi "Transfermarkt" portali tomonidan 10,8 million funt qilib belgilangan. Eslatib o‘tamiz, Patrik o‘z jamoasi bilan yaqindagina Libertadores kubogini qo‘lga kiritgan edi.
