"Манчестер Сити" қишки трансферлар ойнасида Жанубий Америкадан футболчи сотиб олади. Бу ҳақида "Fichajes" нашри хабар қилмоқда.
Унга кўра, "Палмейрас" ярим ҳимоячиси Патрик де Паула қишда Англияга йўл олади. Шаҳарликлар 22 ёшли футболчини анчадан буён кузатиб келмоқда.
Қишки трансферлар ойнасида эса, у учун расмий таклиф юборишни режа қилган. Таъкидланишича, Паула учун 15 миллион фунт атрофида нарх белгиланади.
Футболчининг жорий трансфер баҳоси "Transfermarkt" портали томонидан 10,8 миллион фунт қилиб белгиланган. Эслатиб ўтамиз, Патрик ўз жамоаси билан яқиндагина Либертадорес кубогини қўлга киритган эди.
