“Paskal Ferre (France Football bosh muharriri) o‘tgan hafta go‘yoki mening maqsadim Oltin to‘plar bo‘yicha Messidan o‘tib ketish ekanligi haqida aytdi. Paskal yolg‘on gapirdi. U o‘zi ishlayotgan nashr obro‘sini oshirish uchun mening nomimdan foydalandi. Shunday nufuzli sovringa javobgar inson bunchalik yolg‘on gapirishi, France Football va Oltin to‘pga doim hurmat ko‘rsatadigan odamga nisbatan bunchalik hurmatsizlik qilishi aslo mumkin emasdi.
Bugun u mening yo‘qligimni karantin bilan izohlab, yana yolg‘on gapirdi. Bu asossiz.
Men o‘z mahorati va halol o‘yini evaziga sovrin yutayotganlarni doim tabriklagim keladi. O‘zim shu qoidalarga amal qilaman. Kim bilandir bu borada raqobatlashmayman. Aynan kimnidir yutishni xohlamayman. Men o‘zim uchun, jamoalarim va muxlislarim uchun g‘alaba qozonaman.
Faoliyatimdagi eng katta maqsad - o‘z klubim va terma jamoam uchun turli darajadagi sovrinlar olib berish. Eng katta maqsad - professional futbolchi bo‘lish niyatidagilarga motivasiya berish. Eng katta maqsad - futbol tarixida o‘z nomimni oltin harflar bilan yozib qoldirish.
Yakunda aytmoqchimanki, e’tiborim Manchester Yunaytedning keyingi o‘yiniga va sheriklarim bilan qo‘lga kiritishga urinadigan natijalarga qaratilgan. Qolgani? Qolgani qolib ketaveradi…”.

Ronalduning bu bayonoti France Football bosh muharririning “Ronaldu menga aytgandiki, maqsadi Oltin to‘plar bo‘yicha Messini ortda qoldirish” degan gaplariga javob edi.