“Паскаль Ферре (France Football бош муҳаррири) ўтган ҳафта гўёки менинг мақсадим Олтин тўплар бўйича Мессидан ўтиб кетиш эканлиги ҳақида айтди. Паскаль ёлғон гапирди. У ўзи ишлаётган нашр обрўсини ошириш учун менинг номимдан фойдаланди. Шундай нуфузли совринга жавобгар инсон бунчалик ёлғон гапириши, France Football ва Олтин тўпга доим ҳурмат кўрсатадиган одамга нисбатан бунчалик ҳурматсизлик қилиши асло мумкин эмасди.
Бугун у менинг йўқлигимни карантин билан изоҳлаб, яна ёлғон гапирди. Бу асоссиз.
Мен ўз маҳорати ва ҳалол ўйини эвазига соврин ютаётганларни доим табриклагим келади. Ўзим шу қоидаларга амал қиламан. Ким биландир бу борада рақобатлашмайман. Айнан кимнидир ютишни хоҳламайман. Мен ўзим учун, жамоаларим ва мухлисларим учун ғалаба қозонаман.
Фаолиятимдаги энг катта мақсад - ўз клубим ва терма жамоам учун турли даражадаги совринлар олиб бериш. Энг катта мақсад - профессионал футболчи бўлиш ниятидагиларга мотивация бериш. Энг катта мақсад - футбол тарихида ўз номимни олтин ҳарфлар билан ёзиб қолдириш.
Якунда айтмоқчиманки, эътиборим Манчестер Юнайтеднинг кейинги ўйинига ва шерикларим билан қўлга киритишга уринадиган натижаларга қаратилган. Қолгани? Қолгани қолиб кетаверади…”.

Роналдунинг бу баёноти France Football бош муҳаррирининг “Роналду менга айтгандики, мақсади Олтин тўплар бўйича Мессини ортда қолдириш” деган гапларига жавоб эди.