O‘zbekiston futbol assosiasiyasi ishchi guruh xodimlari Andijon FMM hamda Andijon viloyati bolalar va o‘smirlar futbol maktabiga tashrif buyurdilar. Tashrif davomida viloyatda bolalar futboliga yaratib berilgan sharoitlar bilan yaqindan tanishilib, ayrim vazifalar yuzasida kerakli taklif va topshiriqlar berildi.
Kunning ikkinchi qismida O‘zbekiston futbol assosiasiyasi terma jamoalar bo‘limi boshlig‘i Usmon Toshev hamda O‘zbekiston U-15 terma jamoasi bosh murabbiyi Server Jeparov andijonlik yosh futbolchilar bilan uchrashdilar. Ochiq va samimiy o‘tgan suhbat yakunida viloyatdagi namunali tarzda faoliyat yuritayotgan bolalar va o‘smirlar sport maktablarining futbol jamoalariga O‘FAning futbol to‘plari topshirildi.