«Liverpul» vingeri Muhammad Saloh klub bilan shartnomasini uzaytirish istagi va «Barselona»ning unga qiziqishi haqidagi mish-mishlarga munosabat bildirdi.
«Agar hammasi faqat menga bog‘liq bo‘lsa, «Liverpul»da qolishimni bir necha bor aytganman.
Lekin qaror klub rahbariyatida, ular bu masalani hal qilishlari kerak. Hozir menda hech qanday muammo yo‘q, lekin kelishuvga erishish kerak. Hammasi ularga bog‘liq.
Futbolchining moliyaviy qiymati klub uni qanchalik qadrlashi va uni saqlab qolish uchun nima qilishga tayyorligida ko‘rinadi, ammo qaror faqat moliyaviy sharoitga bog‘liq emas.
Xavining mening xaridimga qiziqishi haqida o‘qidim. «Barselona»dek klub menga qiziqish bildirayotganidan xursandman, lekin «Liverpul»da baxtliman.
Ayni dam men Premyer-ligada qolishni istardim, chunki bu dunyoning eng kuchli ligasi», - deydi Saloh.
