"Arsenal"ning qishki transferlar oynasidagi nishoni bo‘lgan "Sautgempton" futbolchisi o‘z jamoasidagi faoliyatidan baxtiyor. Bu haqida Muhammad Elyunussining o‘zi shunday deydi:
"Men o‘z hayotimda ikki mavsum jamoadan ketib, ijara asosida o‘ynab, yana qaytib kelgan futbolchilarni kam ko‘rganman. Odatda klublar futbolchilarga bunday imkoniyatni ko‘p ham beravermaydi. Menga esa bu imkoniyat berildi. Bu uchun klub va bosh murabbiydan minnatdorman. Ushbu jamoaga qaytish, o‘z do‘stlaringni ko‘rish juda maroqli. Men ko‘p maydonga tushirilmagan bo‘lsamda, bundan ikki yil oldin bu yerdan faqat yaxshi taassurotlar bilan ketgan edim".
Eslatib o‘tamiz, Elyunussi ikki mavsum davomida "Seltik" safida harakat qilgan edi. U bu mavsumda 14 marta maydonga tushirilgan.
