«Manchester Siti» bosh murabbiyi Xosep Gvardiola APL doirasida «Chelsi»ga qarshi bo‘lib o‘tadigan muhim bahs oldidan o‘z fikrlarini bildirib o‘tdi.
«Shaharliklar» uchun safarda kechadigan ushbu uchrashuv yakshanba kuni Toshkent vaqti bilan soat 20:30 ga belgilangan.
«Agar biz «Stemford Bridj»da g‘alaba qozona olmasak, unda keyingi «Arsenal»ga qarshi o‘yin oldidan matbuot anjumani o‘tkazishingizga hojat qolmasligi mumkin, chunki hammasi tugagan bo‘ladi. Buni hamma tushunib turibdi. Siz ham, men ham, futbolchilar ham — hamma biladi», — deya Gvardiolaning so‘zlarini keltirmoqda City Xtra.
Eslatib o‘tamiz, shanba kuni «Arsenal» o‘z maydonida kutilmaganda «Bornmut»ga imkoniyatni boy berdi (1:2). Hozirda «Siti» peshqadam «kanonirlar»dan 9 ochko ortda qolmoqda, biroq Gvardiola shogirdlari ixtiyorida ikkita zaxira o‘yini bor. 19 aprel kuni esa ushbu ikki jamoa o‘zaro to‘qnash kelishadi.
