Portugaliya milliy terma jamoasining sobiq yarim himoyachisi Luish Figu «Oltin to‘p» sovrini uchun asosiy da’vogarlar haqida o‘z fikrini bildirdi.
«Rodri jahon chempionatida gollar yoki golli uzatmalar bilan ajralib turmagan bo‘lsa-da, u ajoyib turnir o‘tkazdi. Mbappe ham jahon chempionatidagi o‘yini tufayli bu sovringa nomzodlar qatorida bo‘lishi kerak.
Menimcha, Vitinya va Due ham ajoyib mavsum o‘tkazishdi. Jahon chempionati ular uchun, ayniqsa Portugaliya terma jamoasi tarkibida, kutilganidek o‘tmagan bo‘lsa-da, ular ham nomzodlar ro‘yxatidan o‘rin olishga munosib», — dedi Figu Marca nashriga bergan intervyusida.
«Oltin to‘p» mukofoti har yili Fransiyaning France Football jurnali tomonidan kalendar yilining eng yaxshi futbolchisiga topshiriladi. Sovrinning amaldagi sohibi — «PSJ» hujumchisi Usmon Dembele.
