«Real» Yevrpoa chempionlar ligasi guruh bosqichining 6-turi doirasida o‘z uyida «Inter»ni qabul qilib, 2:0 hisobida g‘alaba qozondi.

Musobaqaning saralash bosqichini inobatga olmaganda, "Qirollik klubi"ning musobaqa tarixida urgan gollari soni 1000tadan oshdi. Minginchi golni "Inter"ga qarshi bahsning 17-daqiqasida Toni Kroos urishga muvaffaq bo‘ldi.

«Real» bu gollarni 455ta uchrashuvda urgan. Madridliklar Chempionlar ligasining bitta o‘yinida o‘rtacha 2,2ta to‘p kiritib kelishmoqda. Bu esa Chempionlar kubogi/CHempionlar ligasida kamida 50ta o‘yin o‘tkazgan klublar orasida eng yaxshi natija hisoblanadi.

Eslatib o‘tamiz, «Real» 15 ochko bilan guruhda 1-o‘rinni egalladi.