"Everton" futbolchisi Lukas Din va jamoa ustozi Rafayel Benites o‘rtasida kelishmovchilik yuz bergan deb yozadi, "the Athletic" nashri. Ammo futbolchi ijtimoiy tarmoqlardagi sahifasida buni inkor etdi.

U Instagram sahifasida shunday yozadi: "O‘qigan narsangizni hammasiga ham ishonavermang. Eng asosiy narsa bu bizning klubimiz. "Arsenal"ga qarshi qanday g‘alaba va qanday kurash kechdi! Men bu o‘yinda qatnasha olmaganimdan afsusdaman. Men doimo jamoamiz safida bo‘lishni istaganman. Ammo bu safar murabbiy meni tanlamaslikni afzal ko‘rdi. Bu futbol va uning bir qismi".

Sobiq "Barselona" futbolchisi bu mavsumda deyarli har bir bahsda asosiy tarkibda harakat qilgan.