«PSJ» va Argentina terma jamoasi yarimhimoyachisi Leandro Paredes hamyurti va jamoadoshi Lionel Messi haqida o‘z fikrlari bilan o‘rtoqlashdi.
«Biz Messi va Di Mariya bilan juda yaxshi munosabatdamiz. Messi bilan biz bir oilamiz. Farzandlarimiz maktabga birga boradi.
Menimcha, Leo hozir o‘zini ancha yaxshi his qilmoqda. Birinchi oylar qiyin bo‘ldi, ammo hozir u yaxshi formada. Umid qilamanki, u shu ruhda davom etadi.
Menimcha, Messiga to‘p bilan doimiy aloqa qilish yetarli bo‘ladi. Ortiqcha narsani talab qilishning o‘zi xato. Agar u o‘yinda o‘zini yaxshi his qilsa, biz uchun hammasi ancha osonlashadi.
Biz bir-birimizni anchadan beri bilamiz. Men shunchaki uning nima istayotganini anglaganman. O‘yinchi qanday o‘ynashini o‘rganish uchun unga vaqt kerak», - deydi Paredes ESPNga bergan intervyusida.
