«ПСЖ» ва Аргентина терма жамоаси яримҳимоячиси Леандро Паредес ҳамюрти ва жамоадоши Лионел Месси ҳақида ўз фикрлари билан ўртоқлашди.
«Биз Месси ва Ди Мария билан жуда яхши муносабатдамиз. Месси билан биз бир оиламиз. Фарзандларимиз мактабга бирга боради.
Менимча, Лео ҳозир ўзини анча яхши ҳис қилмоқда. Биринчи ойлар қийин бўлди, аммо ҳозир у яхши формада. Умид қиламанки, у шу руҳда давом этади.
Менимча, Мессига тўп билан доимий алоқа қилиш етарли бўлади. Ортиқча нарсани талаб қилишнинг ўзи хато. Агар у ўйинда ўзини яхши ҳис қилса, биз учун ҳаммаси анча осонлашади.
Биз бир-биримизни анчадан бери биламиз. Мен шунчаки унинг нима истаётганини англаганман. Ўйинчи қандай ўйнашини ўрганиш учун унга вақт керак», - дейди Паредес ESPNга берган интервьюсида.
