«Barselona» «Chelsi»ning uch futbolchisining o‘yinlarini kuzatib bormoqda. Kataloniya klubi yanvar oyida ushbu transferlarga urinib ko‘radi. Bu haqda ispan matbuoti xabar bermoqda.

«Ko‘k-anorranglilar» «radari»ga himoyachilar Antonio Ryudiger va Sezar Aspilikueta, shuningdek, hujumchi Kristian Pulishich tushgan. Oldinroq amerikalik futbolchi ham «Barsa» bilan hamkorlik qilishdan manfaatdor ekani haqida xabar qilingandi.

Shuningdek, avvalroq, Madridning «Real» klubi ham Ryudigerga qiziqish bildirgani haqida ma’lumotlar tarqalgan edi. 

Ma’lumot o‘rnida, bugun «Barselona» safarda «Osasuna»ga qarshi bahs olib boradi. Uchrashuv Toshkent vaqti bilan 20:15 da boshlanadi.