«Барселона» «Челси»нинг уч футболчисининг ўйинларини кузатиб бормоқда. Каталония клуби январь ойида ушбу трансферларга уриниб кўради. Бу ҳақда испан матбуоти хабар бермоқда.
«Кўк-анорранглилар» «радари»га ҳимоячилар Антонио Рюдигер ва Сезар Аспиликуэта, шунингдек, ҳужумчи Кристиан Пулишич тушган. Олдинроқ америкалик футболчи ҳам «Барса» билан ҳамкорлик қилишдан манфаатдор экани ҳақида хабар қилинганди.
Шунингдек, аввалроқ, Мадриднинг «Реал» клуби ҳам Рюдигерга қизиқиш билдиргани ҳақида маълумотлар тарқалган эди.
Маълумот ўрнида, бугун «Барселона» сафарда «Осасуна»га қарши баҳс олиб боради. Учрашув Тошкент вақти билан 20:15 да бошланади.