"Tottenxem" klubida koronavirus bilan bog‘liq yangi holat qayd etildi. Xabarlarga ko‘ra, asosiy tarkib futbolchilaridan bir kishida kasallanish holati qayd etilgan.
Shuningdek, jamoaning 23 yoshgacha bo‘lgan futbolchilari ichida ham virus tarqala boshlagan. Antonio Konte kecha jamoasi bilan mashg‘ulotlarga qaytgan edi.
"Shporlar" payshanba kunida "Lester"ga qarshi o‘yin o‘tkazishi lozim. Bunda kamida 13ta futbolchi qaydnomaga kiritilishi talab etiladi.
Hozirda aynan qaysi futbolchi(lar) infeksiya yuqtirgani haqida ma’lumot berilmagan. Avvalroq "Tottenxem" ishtirokidagi o‘yinlar qoldirilgani haqida xabar qilingan edi.
