"Тоттенхэм" клубида коронавирус билан боғлиқ янги ҳолат қайд этилди. Хабарларга кўра, асосий таркиб футболчиларидан бир кишида касалланиш ҳолати қайд этилган.
Шунингдек, жамоанинг 23 ёшгача бўлган футболчилари ичида ҳам вирус тарқала бошлаган. Антонио Конте кеча жамоаси билан машғулотларга қайтган эди.
"Шпорлар" пайшанба кунида "Лестер"га қарши ўйин ўтказиши лозим. Бунда камида 13та футболчи қайдномага киритилиши талаб этилади.
Ҳозирда айнан қайси футболчи(лар) инфекция юқтиргани ҳақида маълумот берилмаган. Аввалроқ "Тоттенхэм" иштирокидаги ўйинлар қолдирилгани ҳақида хабар қилинган эди.
