«PSJ» «Chelsi» himoyachisi Antonio Ryudigerni transfer qilish borasida muzokaralar olib bormoqda.
Bild jurnalisti Kristian Falkning yozishicha, bir necha hafta oldin Fransiyada Parij klubi sport direktori Leonardo va Ryudigerning agenti va akasi Sakrom Senesi o‘rtasida uchrashuv bo‘lib o‘tgan. Yakuniy qaror hali qabul qilinmagan.
28 yoshli himoyachining «Chelsi» bilan shartnomasi 2022 yilning 30 iyunida yakuniga etadi.
Oldinroq "Real" Ryudiger bilan shartnoma imzolash uchun asosiy davogar ekani xabar qilingandi. Klub uni yozda erkin agentga aylanganda sotib olmoqchi.
2021/22 yilgi mavsumda nemis futbolchisi “Chelsi” safida barcha turnirlar doirasida 21 ta o‘yin o‘tkazib, 2 ta gol urdi va 4 ta golli uzatmani amalga oshirdi.
