«Lasio» «Sampdoriya» yarim himoyachisi Mikkel Damsgorga qiziqish bildirmoqda, deb xabar beradi Calciomercato.
Rim klubi 21 yoshli daniyalikni yanvar oyida o‘z safiga qo‘shib olmoqchi.
«Sampdoriya» futbolchi bilan 25 million yevro evaziga xayrlashishga tayyor. «Lasio» muzokaralar davomida narxni pasaytirishga harakat qilishi mumkin.
2021/22 yilgi mavsumda Damsgor «Sampdoriya»ning 8 ta uchrashuvida qatnashib, samarali harakatlari bilan ajralib turolmadi.
Yevro-2020da Damsgor Rossiya (4:1) va Angliya (1:2) terma jamoalari bilan o‘yinlarda gol urdi.
