«Лацио» «Сампдория» ярим ҳимоячиси Миккел Дамсгорга қизиқиш билдирмоқда, деб хабар беради Calciomercato.

Рим клуби 21 ёшли данияликни январь ойида ўз сафига қўшиб олмоқчи.

«Сампдория» футболчи билан 25 миллион евро эвазига хайрлашишга тайёр. «Лацио» музокаралар давомида нархни пасайтиришга ҳаракат қилиши мумкин.

2021/22 йилги мавсумда Дамсгор «Сампдория»нинг 8 та учрашувида қатнашиб, самарали ҳаракатлари билан ажралиб туролмади. 

Евро-2020да Дамсгор Россия (4:1) ва Англия (1:2) терма жамоалари билан ўйинларда гол урди.