Velosport bo‘yicha O‘zbekiston terma jamoasi yana bir yig‘inga kirishdi. Gleb Groysman boshchiligidagi sportchilarimiz Bo‘stonliq tumanida o‘quv-mashg‘ulot yig‘inini olib borishmoqda.
16 dekabr kuni boshlangan yig‘in 30 dekabrga qadar davom etadi. Unda 3 nafar murabbiy hamda 46 nafar sportchi ishtirok etmoqda. Ta’kidlash joiz, mashg‘ulotlarlar sportchilarimizning yangi mavsum oldidan jismoniy tayyorgarligini kuchaytirishga qaratilgan. Ushbu yig‘in kelasi yil boshida trek va shosseda o‘tadigan Osiyo chempionatiga tayyorgarlikning asosiy bosqich vazifasini o‘taydi.
