Fransiyaning "Bordo" klubida kovid epidemiyasi qayd etildi. Jamoada 14 kishida koronavirus aniqlangan. Bu haqda L'Equipe xabar bermoqda. Bugun, 22 dekabr kuni "Lill" bilan uy uchrashuvi rejalashtirilgan.
Manbaga ko‘ra, bemorlar orasida 11 nafar futbolchi va 3 nafar klub xodimi bor. Rahbariyat endigi yig‘ilishdan so‘ng chorshanba kuni ertalab o‘yinning mumkin bo‘lgan boshqa muddatga qoldirilishi haqida qaror qabul qilishi kutilmoqda.
“Bordo” hozirda 17 ochkoga ega va Fransiya chempionatida o‘n beshinchi o‘rinda bormoqda. “Lill” Fransiyaning amaldagi chempioni hisoblanadi. Joriy mavsumda jamoa milliy chempionatning 18 o‘yinida 25 ochko jamg‘argan.
