Франциянинг "Бордо" клубида ковид эпидемияси қайд этилди. Жамоада 14 кишида коронавирус аниқланган. Бу ҳақда L'Equipe хабар бермоқда. Бугун, 22 декабр куни "Лилль" билан уй учрашуви режалаштирилган.
Манбага кўра, беморлар орасида 11 нафар футболчи ва 3 нафар клуб ходими бор. Раҳбарият эндиги йиғилишдан сўнг чоршанба куни эрталаб ўйиннинг мумкин бўлган бошқа муддатга қолдирилиши ҳақида қарор қабул қилиши кутилмоқда.
“Бордо” ҳозирда 17 очкога эга ва Франция чемпионатида ўн бешинчи ўринда бормоқда. “Лилль” Франциянинг амалдаги чемпиони ҳисобланади. Жорий мавсумда жамоа миллий чемпионатнинг 18 ўйинида 25 очко жамғарган.
