Бугун, 16 сентябрь куни футбол мухлисларини Ўзбекистон ва Европа майдонларида бир қатор қизиқарли учрашувлар кутиб турибди. Кун дастуридан Ўзбекистон Кубоги, ОЧЛ-2, Европа лигаси, Англия Лига Кубоги ҳамда Испания Ла Лигаси баҳслари ўрин олган.
Ўзбекистон Кубоги 1/8 финали доирасида қолган икки чорак финалчи номи аниқланади. Соат 18:30 да ОКМК "Хоразм"ни қабул қилади. Учрашув Futbol TV орқали Аброр Жўрақулов шарҳида намойиш этилади. Соат 19:00 да эса "Ғазалкент" — "Қўқон-1912" баҳси Sport TV орқали Муҳаммадёр Солиев шарҳида эфирга узатилади.
ОЧЛ-2 мусобақасида "Насаф" янги мавсумдаги иштирокини бошлайди. Қаршиликлар соат 21:00 да сафарда "Ал Ҳалидия"га қарши майдонга тушади. Баҳс Futbol TV орқали Абдулла Нурманов ва Зуҳриддин Қиличев шарҳида кўрсатилади. Шу вақтда "Ал Ваҳда" — "Қувайт СК" учрашуви ҳам старт олади.
Европа лигасининг 1-турида соат 21:45 да "Арат" — "Спарта" ҳамда "Омония" — "Селта" ўйинлари бўлиб ўтади. Тошкент вақти билан 00:00 да "Андерлехт" — "Лион", "Милан" — "Бенфика" ва "Байер" — "Селе" баҳслари бошланади.
Англия Лига Кубоги 3-босқичида соат 23:45 да "Эвертон" — "Вулверҳэмптон" учрашуви ўтказилади. Тунги 00:00 да эса "Ковентри" — "Астон Вилла" ва "Манчестер Юнайтед" — "Брайтон" баҳслари старт олади.
Ла Лига 6-турида соат 22:00 да "Депортиво" — "Севилья", 23:00 да "Атлетико" — "Осасуна" учрашувлари бўлиб ўтади. Соат 00:30 да "Леванте" — "Атлетик" ҳамда "Барселона" — "Расинг" баҳслари ўтказилади. "Барселона" ўйини Zo'r TV орқали Фахриддин Туропов шарҳида жонли эфирда намойиш этилади.
