«Барселона» бразилиялик вингер Рафинья Диас билан ҳамкорликни узайтириш устида ишламоқда. Бу ҳақда Diario Sport журналистлари хабар берди.
Манба маълумотига кўра, каталонияликлар спорт директори Деку янги шартнома масаласида футболчи билан шахсан суҳбатлашган.
Рафиньянинг «Барселона» билан амалдаги шартномаси 2028 йил ёзига қадар мўлжалланган.
29 ёшли вингер янги мавсумни жуда самарали бошлади. У Испания чемпионатида 5 та ўйинда майдонга тушиб, 6 та гол урди ва 3 та голли узатмани амалга оширди. Унинг голларидан бири пенальтидан киритилган.
