Ўзбекистон Кубоги 1/8 финал босқичи баҳслари якунланди ва чорак финалда иштирок этадиган барча саккиз жамоа номи маълум бўлди.

Нимчорак финал натижаларига кўра, "Гулистон", "Нефтчи", "Сўғдиёна", "Навбаҳор", "Локомотив", "Андижон", ОКМК ва "Ғазалкент" мусобақанинг кейинги босқичига йўл олди.

1/8 финалда "Гулистон" "Сурхон"ни 1:0, "Нефтчи" "Пахтакор"ни 1:0, "Сўғдиёна" QMU Жайхунни 2:0, "Навбаҳор" "Насаф"ни 1:0 ҳисобида мағлуб этди. "Локомотив" "Бунёдкор"дан 1:0 устун келди.

"Андижон" — "Олимпик Mobiuz" баҳси 2:2 ҳисобида якунланиб, пенальтилар сериясида андижонликлар 5:4 ҳисобида ғалаба қозонди. ОКМК "Хоразм"ни, "Ғазалкент" эса "Қўқон-1912"ни бир хил — 2:1 ҳисобида мағлуб этди.

Ўзбекистон Кубоги чорак финалига қуръа ташлаш маросими эртага соат 11:00 да бўлиб ўтади.