"Chelsi" futbolchisi Romelu Lukaku koronavirusdan forig‘ bo‘ldi. Xabarlarga ko‘ra, belgiyalik hujumchining so‘nggi bor virusga topshirgan testi manfiy natija bergan.

Shuningdek, jamoaning boshqa bir a’zosi Kallum Xadson-Odoini ham tuzalgani ma’lum bo‘lgan. Bu haqida bosh murabbiy Tomas Tuxel ma’lum qildi.

Endlikda ushbu futbolchilar "aristokratlar"ning hafta so‘ngida "Aston Villa"ga qarshi kechadigan bahsida qatnashishi mumkin bo‘ladi. Eslatib o‘tamiz, ushbu o‘yin 26 dekabr kuni Toshkent vaqti bilan 20:00da start oladi.