O‘zbekiston boks federasiyasi qoshida professional boks departamenti tashkil etilgan. Bu orqali prof ringga endi qadam qo‘yayotgan yosh bokschilarimizni qo‘llab-quvvatlash maqsad qilingan. Bugun Toshkent shahrida prof ringda faoliyat olib borayotgan bokschilar ishtirokida janglar bo‘lib o‘tdi.
Ushbu loyiha doirasida yurtimizda professional boks janglari tashkil etiladi. Shu munosabat bilan maxsus kamar ham ta’sis etilgan. Kamarda o‘zbek boksi asoschilaridan biri Sidney Jekson, shuningdek afsonaviy Rufat Risqiyevning surati tushirilgan.
Bokschilar janglarda reyting ochkolarini to‘plab borishadi va O‘zbekiston chempioni unvoni hamda kamar uchun jang o‘tkazish imkoniyatiga ega bo‘lishadi.
