Angliyaning "Liverpul" klubi hujumchisi Muhammad Salohga Misr Futbol Federasiyasi Afrika Kubogiga biroz kechroq kelishiga ruxsat berdi.
FIFA qoidalariga ko‘ra, futbolchilar Afrika Kubogi boshlanishiga 13 kun qolganida, ya’ni 27 dekabr kuni o‘z terma jamoalari ixtiyoriga yetib borishlari shart.
Daily Mirror nashrining yozishiga qaraganda, "Liverpul" Misr Futbol Federasiyasi bilan muzokara olib borgan va misrliklar Salohga "Liverpul"ning 28 dekabr kuni safarda "Lester" bilan, 2 yanvar kuni esa "Chelsi" bilan "Stemford Bridj"da bo‘lib o‘tadigan o‘yinlarini o‘tkazishiga ruxsat bergan.
"Liverpul" Sadio Mane va Nabi Keytalar borasida ham muzokaralarni davom ettirmoqda.