Англиянинг "Ливерпуль" клуби ҳужумчиси Муҳаммад Салоҳга Миср Футбол Федерацияси Африка Кубогига бироз кечроқ келишига рухсат берди.
ФИФА қоидаларига кўра, футболчилар Африка Кубоги бошланишига 13 кун қолганида, яъни 27 декабрь куни ўз терма жамоалари ихтиёрига етиб боришлари шарт.
Daily Mirror нашрининг ёзишига қараганда, "Ливерпуль" Миср Футбол Федерацияси билан музокара олиб борган ва мисрликлар Салоҳга "Ливерпуль"нинг 28 декабрь куни сафарда "Лестер" билан, 2 январь куни эса "Челси" билан "Стэмфорд Бридж"да бўлиб ўтадиган ўйинларини ўтказишига рухсат берган.
"Ливерпуль" Садио Мане ва Наби Кейталар борасида ҳам музокараларни давом эттирмоқда.