Fransiya Futbol Federasiyasi ijroqo‘mi mamlakat Kubogi 1/32 final bosqichidan o‘rin olgan "Parij" — "Lion" jamoalari o‘rtasida yakuniga yetmay qolgan o‘yin bo‘yicha qaror qabul qildi.

Qarorga ko‘ra, har ikki klubga ham mag‘lubiyat yozildi va Fransiya Kubogidan chetlatildi. "Nissa" klubi esa avtomatik ravishda 1/8 finalga yo‘l oldi.

"Parij" klubi 10 ming yevro, "Lion" esa 52 ming yevro moliyaviy jarimaga tortildi. "Parij" stadioni 5 ta o‘yinga diskvalifikasiya qilishdi, "Lion" muxlislariga esa mavsum oxirigacha safar o‘yinlariga borish ta’qiqlandi.

Agar shunga holatlar yana takrorlansa, "Lion" klubi 2022/2023 yilgi Fransiya Kubogi o‘yinlaridan chetlashtiriladi.