Huquqiy jihatdan Madridning «Atletiko» klubiga tegishli bo‘lgan, ayni paytda faoliyatini Turinning "Yuventus" jamoasida ijara asosida davom ettirayotgan Alvaro Morata «Barselona»ga o‘tishi mumkinligi haqida xabar bergandik.

«Barselona» ispaniyalik futbolchini o‘z safiga qo‘shib olish uchun, "Atletiko" klubida ijara asosida to‘p surayotgan Antuan Grizmanni mana shu bitimga qo‘shishi mumkinligi haqida football-espana nashri xabar tarqatmoqda.

Grizmanni «Atletiko» keyinchalik 40 million yevroga sotib olish sharti bilan ijaraga olgan, xuddi shu summaga "Yuventus" Moratani sotib olish huquqiga ega. Shu sababli, «Barselona» futbolchilarni o‘zaro almashtirish variantini ko‘rib chiqmoqda.

29 yoshli Morata joriy mavsum 23 ta uchrashuvda maydonga tushib, 7 ta gol kiritdi va 3 ta golga hammualliflik qildi.

30 yoshli Grizmann esa 7 ta golni va 3 ta golli uzatmani 21 ta uchrashuvda amalga oshirdi.