“Barselona” prezidenti Joan Laporta Dortmundning “Borussiya” klubi hujumchisi Erling Xoland kataloniyaliklar klubiga o‘tishiga ishonch bildirmoqda. Bu haqda “Catalunya Radio” xabar bermoqda. 

Manba bergan xabarga ko‘ra, klub prezidenti o‘zining yaqin atrofiga “Barselona” norvegiyalikni sotib olishini aytgan. Laporta allaqachon Xolandning agenti Mino Rayola bilan bir nechta uchrashuvlar o‘tkazgan va ular davomida futbolchi vakili bilan ehtimoliy o‘tish tafsilotlarini muhokama qilgan.

Avvalroq, Erling Xoland “Real”ga o‘tishni istamagani ma’lum bo‘lgandi. Germaniya Bundesligasining joriy qur’asida 21 yoshli Erling 11 o‘yinda 13 ta gol urdi va 4 ta golli uzatmani amalga oshirdi. Forvardning shartnomasi 2024 yilda yakuniga yetadi, Transfermarkt hujumchini 150 million yevroga baholamoqda.