"Lion" va "Zenit" o‘rtasida hujumchi Serdar Azmunning transferi borasidagi muzokaralar tafsilotlari ma’lum bo‘ldi.

"Foot Mercato" xabariga ko‘ra, fransuz klubi 27 yoshli hujumchi uchun 4 million yevro taklif qilgan, "Zenit" esa 5 millionni talab qilmoqda. Tomonlar 4,5 million yevro miqdorida kelishuvga erishishlari mumkin.

Match TV xabariga ko‘ra, Azmun mavsumni "Zenit"da yakunlab, keyin erkin agent sifatida Yevropaga ketish niyatida.

Joriy mavsumda eronlik futbolchi “Zenit” safida barcha turnirlarda 21 ta o‘yin o‘tkazib, 10 ta gol urdi va 4 ta golli uzatmani amalga oshirdi.