O‘tgan yozdagi transferlar oynasida "Manchester Siti" "Atletiko" hujumchisi Joao Feliksni sotib olishga harakat qilgan.
Jurnalist Sem Lining Twitterda xabar berishicha, "Manchester Siti" portugaliyalik futbolchini o‘tgan yozda sotib olmoqchi bo‘lgan va "Atletiko" bilan bog‘langan. "Matraschilar" forvardni 300 million yevroga sotishlari mumkinligi va bu summadan past shartnomalarni ko‘rib chiqmasligini ma’lum qilgan.
Joriy mavsum La Liganing 12 o‘yinida maydonga tushgan Joao o‘z hisobiga 2 gol va 1 golli uzatmani yozdirib qo‘ygan.
