«Nyukasl» Fransiya chempionati vakilidan futbolchi sotib olmoqchi edi. Xabarlarga ko‘ra, «qarg‘alar» «Reyms»dan hujumchi Yugo Ekitikeni sotib olmoqchi bo‘lgan.
Ammo bu transfer amalga oshmasligi mumkin. Bu haqida Fabrisio Romano o‘z sahifasida ma’lum qildi. Unda shunday deyiladi:
«Hozirda «Reyms» o‘z futbolchisi Ekitike yuzasidan «Nyukasl» bilan muzokaralarga kirishni niyat qilmagan. Ushbu bitim o‘ta murakkab sanaladi. Hujumchiga «Vest Xem»dan ham qiziqish mavjud. Ammo o‘rtadagi aloqalar kuchli emas».
Eslatib o‘tamiz, «Nyukasl» ushbu oyda «Atletiko»dan Trippyerni sotib oldi.
