«Ньюкасл» Франция чемпионати вакилидан футболчи сотиб олмоқчи эди. Хабарларга кўра, «қарғалар» «Реймс»дан ҳужумчи Юго Экитикени сотиб олмоқчи бўлган.
Аммо бу трансфер амалга ошмаслиги мумкин. Бу ҳақида Фабрицио Романо ўз саҳифасида маълум қилди. Унда шундай дейилади:
«Ҳозирда «Реймс» ўз футболчиси Экитике юзасидан «Ньюкасл» билан музокараларга киришни ният қилмаган. Ушбу битим ўта мураккаб саналади. Ҳужумчига «Вест Хэм»дан ҳам қизиқиш мавжуд. Аммо ўртадаги алоқалар кучли эмас».
Эслатиб ўтамиз, «Ньюкасл» ушбу ойда «Атлетико»дан Триппьерни сотиб олди.
