«Yuventus» bosh murabbiyi Massimiliano Allegri Italiya Superkubogi uchun «Inter»ga qarshi o‘yindan oldingi fikrlari bilan o‘rtoqlashdi.

«Men Federiko Kyeza bilan gaplashdim u hali yosh, uning tiklanishi va a’lo darajadagi faoliyati uchun vaqti bor. Uning yo‘qligining o‘rnini to‘ldirish uchun hammamiz biroz ko‘proq harakat qilishimiz kerak.

Ertangi o‘yin 90 daqiqadan ko‘proq davom etishi mumkin, shuning uchun biz o‘z kuchimiz va zaxiramizdan juda ehtiyot bo‘lishimiz kerak. Ertaga ajoyib stadionda juda yaxshi davrni o‘tkazayotgan va o‘ziga ishongan liganing eng kuchli jamoasiga qarshi o‘ynaymiz.

Aleks Sandro tarkibga qaytgan. Aytganimdek, Bonuchchi ham mavjud, ammo u butun uchrashuvni o‘tkazishga tayyor emas. Biz pas berish o‘yinimiz sifatini oshirishimiz va xotirjamroq bo‘lishimiz kerak. Ba’zida biz juda shoshamiz, bu borada biz oldinga siljishimiz kerak», dedi Allegri.