“Napoli” direktori Krishtianu Gintoli klub kelasi mavsumda hujumchi Dris Mertensni saqlab qola oladimi yoki yo‘q savoliga javobni aniq bilmasligini aytdi. Belgiyalik hujumchining neapolliklar bilan shartnomasi kelasi yozda tugaydi, yangi kelishuv bo‘yicha muzokaralarning borishi hozircha nomalum.

“Mavsum oxirida bu haqda gaplashamiz. Hozirda biz bor e’tiborimizni joriy vazifalarga qaratganmiz”, - deya Gintoli so‘zlarini keltiradi “Football Italia”.

Dris Mertens joriy mavsum “Napoli” safida 15 ta o‘yinda maydonga tushib, 6 ta gol urdi. Luchano Spaletti boshchiligidagi jamoada futbolchi ko‘proq zaxirada o‘ynaydi, chunki uning pozisiyasida nigeriyalik Viktor Osimxen asosiy tarkib futbolchisi hisoblanadi.