“Наполи” директори Криштиану Гинтоли клуб келаси мавсумда ҳужумчи Дрис Мертенсни сақлаб қола оладими ёки йўқ саволига жавобни аниқ билмаслигини айтди. Бельгиялик ҳужумчининг неаполликлар билан шартномаси келаси ёзда тугайди, янги келишув бўйича музокараларнинг бориши ҳозирча номалум.

“Мавсум охирида бу ҳақда гаплашамиз. Ҳозирда биз бор эътиборимизни жорий вазифаларга қаратганмиз”, - дея Гинтоли сўзларини келтиради “Football Italia”.

Дрис Мертенс жорий мавсум “Наполи” сафида 15 та ўйинда майдонга тушиб, 6 та гол урди. Лучано Спалетти бошчилигидаги жамоада футболчи кўпроқ захирада ўйнайди, чунки унинг позициясида нигериялик Виктор Осимхен асосий таркиб футболчиси ҳисобланади.