“Jenoa” Andrey Shevchenko iste’foga chiqarilgach, uning o‘rniga yangi bosh murabbiy izlashda davom etmoqda. Jurnalist Alfredo Pedulla xabariga ko‘ra, klub ayni damda Jennaro Gattuzo nomzodini ko‘rib chiqmoqda.

Xabarlarga ko‘ra, "Jenoa" so‘nggi klubi "Fiorentina" bo‘lgan italiyalik mutaxassis bilan dastlabki muzokaralarni o‘tkazdi. U 2021 yilning may oyi oxirida jamoani boshqargan, iyun oyida esa rahbariyat bilan kelishmovchiliklar tufayli bu lavozimni tark etgandi.

Qayd etish joiz, “Jenoa” Italiya chempionatida 22 turdan keyin 12 ochko bilan 19-o‘rinda bormoqda.